Residence Walferdange

Welcome to our site.

News


  • Matcher SH/SD a COVID-Zäiten


    Léif Basketfrënn. Am Moment gi mir oft gefrot, wéi et dann zu COVID-Zäiten mat dem Publikum fir déi nei Basketsaison ass. Et gëllen do d’Reegelen vun der Santé! Zousätzlech dozou huet d’FLBB an engem Aarbechtsgrupp, zesummen mat der Veräiner, nach e Kader proposéiert, fir d’Matcher mat Publikum ze erméiglechen. Do gin et awer elo vu Veräin zu Veräin e puer Ennerschidder. Fir Walfer gëllt: Méindes virum Heemmatch (Dammen wéi Hären) schalten mir op eisen Internetsäiten an op eiser fb-Säit e Link fräi. Iwwert den Link (dat ass eng Reservatiounssoftware) muss een sech dann umellen fir an d’Walfer Hal kenne ze kommen. D’Modalitéiten gi beim Link erkläert. De Prinzip ass „first come, first served“. Well effektiv huet d’Hal duerch d’COVID-Moossnamen just eng reduzéiert Unzuel Public. Falls nach Plazen fräi bleiwen, gin déi iwwert d’Owescaisse virum Match, awer ouni Garantie! Membre d’honneur/Sponsor hunn permanent reservéiert Plazen. Verschidden aner Veräiner verlaangen, dass mir hinnen eng Lescht mat eise Supporter era gin an dann kréien just déi Accès an der auswäerteger Hal. Dat kommunizéieren mir dann och iwwer fb an Internet. Mir bieden iech em äert Versteesdemech, leider kréien mir dës extrem Situatioun jo alleguer duerch d’Pandemie imposéiert an natierlech hätten mir léiwer et wär erëm alles normal, anerersäits ass et déi eenzeg Méiglechkeet „Geeschterspiller“ ouni Publikum ze evitéieren.